online dating über facebook -> dating über facebook

dating facebook tinder

Die verhexten Gänse in Räbke

dating facebook app Grotvader Denecke verteile vorr ower sewwentig Jahren immer folgende Begewenheit ut siener Kinnertied, da sick op sienen väderlicken Howwe in Räbke an'n Elme vorr nu woll ower hunnerttwintig Jahren tau e' dragen harre:
Dä lüttjen Gössel wörren da! Lustich snaddern se in' Howwe mit dä Gausemudder rummer, un et was ne wahre Pracht, wie dä lüttchen Diere sick ower dä Brennättel hermaken däen. Dä Gander passe wild un fuchtelich op, dat ja kein Fremder tau nahe ran komen da.

Da, - einet Dages was et ute! Dä Gössel freiten un snadderten nich mehr un laten dä lüttchen Hälse trurich hängen.
Miene Mudder hale dä lüttchen Gössel in'ne Kiste oppe Däle rinder, se stunden direkt an'en warmen Herdfüer. Un wat stelle miene Mudder nich allet an, awer et was allet verjebens.

Da kämm' eine ole Nawersche oppen Hoff, dä sach dä lüttjen Gössel und meine, dat dä einer wat annedan harre. Sei wußte ok Rat.
"Gaht man na Sunnenundergang stillswiegend na en Kerkhowwe, un halt ne Hand vull Eere von 'en frischet Graff! Da mött je ower da lüttjen Gössel strauen, und danne wörret se ok wäer wären". -

Use Vader wolle davon nüst wetten. Mudder was ganz untröstlich. Als ick mick in dä Nacht sau gejen Klocke Taine ut mien Bedde rutermaken da, dä Treppe runder un ower dä Däle wech, da was et mick, äs wenn dä Gausemudder mick tausnaddern da: "Ga man los, un hülpe miene Lüttjen!"

Allet lag in' daipen Slape. Ick husche da Dorpstrate lang, ower dä Schunter röwwer un oppen Kerkhoff ropper. Dat was mick op enenmal sau unheimlich gruselig tau Mute. Dä Wind harre sick oppemaket un midden Mal höre ick, wie dä Nachtwächter dä tainte Stunne antaututen un tau singen anfung. Ick harre mick balle vorr Angest oppen Hosenbodden e' sett. Wenn da man bloß nist merken da!

Ick teuwe noch ne ganze Wiele un dann bin ick los e' maket, bloß na Huse, un na dä lüttjen Gössel henn! In einer Hand harre ick dä Eere von' olen Grupen sienen Graffhöggel, hei ward et mick woll nich vorr öwwel e' nomen hebben. -
Unnerwejens wörre ick balle noch inne Schunter rinner e' fallen.

Nu, wie ick inkamm, nist wie oppe Däle un dann dä Eere sau ganz ganz sachteken ower dä lüttjen Gössel rower e' sträut, damit se ja alle watt afkrejen däen. Datau moste ick dann noch wat sejjen, watt ick awer hüte nich mehr beholen hewwe. An'n annern Morjen was dä grote Moment da! Dä lüttchen Gössel snaddern wedder wie froier, un bloß ein ganz Lüttjet lag inne Ecke vonne Kiste un was dote.
Datt hewwe ick hinnen in usen Garen innegrawen, un oppet Graff hewwe ick en Busch Vergittmeinich e' plant.

Von Geschwister Bethmann, Lelm